உல்லாசமாய் உற்சாகமாய் !!!!!

பச்சை நிறப்புல்வெளியை
பாய்ந்தோடும் நதியை
இச்சைகளற்ற மனங்களை
இயற்கையின் வளங்களை
காணப் போகின்றேன்

மலையரசியின் மடியில்
மயக்கம் கொள்ள போகிறேன்
வளைவான பாதைகளில்
வளைந்தோடப் போகின்றேன்

கஸ்தூரி மஞ்சள் முகமும்
கள்ளமில்லா உளமும்
கனகாம்பரமும் சூடிய‌
கயல் பேசும்
காரிகைகளை காண போகின்றேன்

பூக்களின் சுவாசத்தை உணரவும்
என் உறவுகளின் நேசத்தை உணரவும்
ஒப்பனையற்ற அற்புத முகங்களை
நோக்கிப் பயணிக்க போகின்றேன்

எனக்காகவே
ஓடி ஓடி உழைக்கும் என்னவன்
அங்கு சிறிது ஓய்வு எடுக்கட்டும்
ஆடி பாடி என் மழலைகள்
அங்கு ஆனந்தத்தில் திளைக்கட்டும்