கொங்கு காதல்....

எப்பவும் எனை நினைச்சு
கிறக்கப் பார்வை பார்க்கும்
எளந்தாரிப் பயபுள்ளை
உன்னை தவிர ஒரு பயலும்
என் மனசிலே தான் இல்லை

உனக்கான பாதையிலே
மல்லிகைபூ தூவி வைச்சேன்
உன்னோட வாழ தானே
கோவிலிலே நேர்சை வைச்சேன்

உன்னோட நான் நடந்தா
வெக்கை கூட குளிருதய்யா
நீ இல்லாத போது நிலவும்
கேலி செய்யுதய்யா
அது நிழலிலே தான் என் மேனி
கருக்குதய்யா....

***************************************************

பத்து வயசு நானிருப்பேனா
பக்கம் வந்து பஞ்சுபொதியா
உன்னை தந்து பக்குவமா சொன்னாக
அத்தை பொண்ணு அழகை பாருன்னு அப்பவா

சிற்றாடையா பட்டாடைய
கட்டி பக்கம் வந்து
பார்த்தும் பாக்காது போனியே அப்பவா

பருவத்து வாசலிலே தாவணி அணிஞ்சு
பச்சையோலைக்குள்ளே புகுந்து
கள்ளப் பார்வை பாத்தியே அப்பவா

மாராப்பு சேலையுள்ளே
என் மனசே முடிஞ்சுகிட்டு
வரப்போரம் போர புள்ளே

சொல்லிப்புட்டு போ புள்ளே
எப்போ என் மனசுக்குள்ளே நீ நுழைஞ்சே
சொந்தக்கார மாமன் புள்ளே...

பி.கு: நண்பர்களே சங்க காலப் பாடல்
மூலம் சொன்ன காதல்
இப்போ கொங்கு தமிழில்
(எங்கள் வட்டார மொழி)