மனிதனுக்குள் மிருகம்

சித்திரையில் சுகப்பிரசவம் வேண்டாம் என
பங்குனியில் சிசேரியின் செய்து
சிசுக்களின் சுதந்திரம் பறிக்கும் சிந்தனைவாதிகள்

வரதட்சனை வரவில்லை என
பணத்திற்காக பெற்ற பெண்சிசுவை
கிணற்றில் துயில வைத்த புண்ணியவான்கள்

மனைவியின் மேல் சந்தேகம் எனவே
மகளுக்கு மரணதண்டனை தந்த
மனமற்ற‌ மானுட பதர்கள்

இன்றும் மனித உருவில்
மிருகங்கள் நம்மிடம்
உலவிக்கொண்டிருக்கின்றன