தோழியாய் என் காதலியாய் !!!

பள்ளி தோழி அவள்
பால்யத்தின் பாதி அவள்

பரதமும் பாட்டும்
கதையும் கற்பனையும்

விமர்சனமும் விவாதங்களும்
என பயிற்று வித்தவள்

மேகத்தில் வர்ண ஜாலங்களும்
பூமியில் வண்ண கோலங்களும்

அவளால் எனக்கு அறிமுகம் ஆயின
அவள் என்னவள் என இறுமாந்திருந்தேன்

காலச்சக்கரத்தின் சுழற்சியில் காணவில்லை அவளை
காலம் மாறினாலும் ஏன் காத்திருப்பு மாறவில்லை

வஞ்சி அவளை நெஞ்சில் நிறுத்திவைத்தேன்
விட்டு பிரிதல் என்பது விடை பெரும் போது மட்டுமே என உணர்ந்தேன்

தொலைந்த போன தோழமைக்காக ஏங்கினேன்
திரும்பி வந்தனள் தீபத்தின் ஒளியாக தேவி அவள் !!!